Гүзээний хорхог - Mongolian Barbecue

СҮХ далайтал ҮХЭР амар.

/Аялал жуулчлалын салбарынхандаа зориулав./

Олон улсад дэгдсэн цар тахлаас болж манай аялал жуулчлалын салбар хүнд цохилт аваад уналтын байдалд ороод байна. Сүхдүүлсэн үхэр адил.

Ази Номхон далайн орнуудын хэмжээнд хаврын улирлын аяллын цуцлалт 75%-тай байна, цаашид аяллуудаа хүмүүс цуцлахаар бэлдэж байна гэж Блүүмберг гуай айлдаж байна.

2020 онд аялал жуулчлалын салбар тэг зогсолт хийх магадлал өндөр байгаа үед санал бодлоо хуваалцахыг хүссэн юм.

Монгол улс цар тахлын улмаас хөл хорио тогтоогоод 3 сарын нүүр үзэж байна. Засгийн газар Монгол хүнийг хамгаалах, өвчнөөс урьдчилан сэргийлэх эрс шийдвэртэй алхамууд цаг алдалгүй авсны үр дүнд бид дотроо аюулгүй байгаа ч өвчний вирус тээгчид гаднаас зөөвөрлөгдөн орж ирэх аюул нүүрлэсэн үед Монголын аялал жуулчлалын улирал эхлэх гэж байна. Монголын хорио цээр, урьдчилан сэргийлэх арга хэмжээг дэлхий анхааралтай судалж, шагшин магтаж байна гэнэ. Монголын арга туршлагыг дэлхий хэрэгжүүлж байна гэж хөөрцөглөх юм. Цаг алдаагүй авсан арга хэмжээг нь сайшаана. Гэхдээ юм хоёр талтай эерэг, сөрөг гэсэн. Хорио цээрийн хатуу дэглэм нь өвчинг тархах нөхцлийг хааж байгаа ч эдийн засгийг нүдэн дээр хорлож байна.

Сүх далайтал Үхэр амар гэж манайхан таг чиг л суугаад байх юм. Хэдүүлээ яах ийхийгээ дотроо ярьж төлөвлөгөө нтр хийхгүй юм уу.

Мөсөн Шуурга 2020 - Ice Storm 2020 экстрим уралдааны тэмдэглэл

Байгаль нуурын мөсөн мандалд зохион байгуулдаг “Мөсөн Шуурга” буюу ”Ледовый шторм 2020” мөсөн замын олон улсын экстрим уралдаан хоёрдугаар сарын 14-16-ны өдрүүдэд боллоо. 

Энэ жилийн уралдаанд ОХУ, Монгол, Австри, ХБНГУ, Чех, АНУ, Швейцарь, Латви зэрэг орны 55 экстрим спортын тамирчид, экстрим аялагчид оролцлоо. 

Уралдаан нь Байгаль нуурын баруун эргийн дагуу 210 км мөсөн замыг гурван гараанд туулдаг. 

1-р гараа нь Цахиурт тосгоноос – Бугулдейка тосгон 90 км. 

2-р гараа Бугулдейка – Большой Голоустной тосгон 80 км 

3-р гараа Большой Голоустной – Листвянка 46 км. 

Энэ жилийн хувьд дугуй, тэшүүр, финлянд чарга гэсэн гурван төрөлд тамирчид хүч үзнэ. Мэдээж эрэгтэй эмэгтэй гэсэн ангилалтай. Бүх цагийн нийлбэрээр үнэмлэхүй аварга шалгарна. Дугуй, чарга, тэшүүрийн төрлөөс хамгийн бага хугацаанд замаа туулж дуусгасан тамирчин үнэмлэхүй аварга болно. Мөн төрөл төрөлд аваргууд нь тодордог юм байна. Мэдээж эрэгтэй, эмэгтэй гэсэн ангилалтай ч насны ангилал гэж байдаггүй юм байна. Залуу тамирчид түрүүлэх илүү их боломжтой гэсэн үг. Энэ уралдаан нь энэ жил 8 дахь удаагаа зохион байгуулагдаж байгаа бөгөөд жил ирэх тутам экстрим аялал сонирхогчдын дунд нэр алдар нь түгэж, гадаад тамирчид оролцох нь их болж байгаа гэж зохион байгуулагчид хэлж байсан.

"KARAKORUM"-2019 МӨСНИЙ ФЕСТИВАЛ ЦОМЫН ЭЗНЭЭ ТОДРУУЛЛАА.

"KARAKORUM"-2019 МӨСНИЙ ФЕСТИВАЛ ЦОМЫН ЭЗНЭЭ ТОДРУУЛЛАА.

БОАЖЯ, Монголиа Экспедишнс ХХК /Eрөнхий зохион байгуулагч/, Монголын Уулчдын үндэсний холбоо, Өвөрхангай аймгийн ЗДТГ-тай хамтран Мөсөнд авиралтын спортыг таниулах, хөгжүүлэх, түгээн дэлгэрүүлэх, мөн өвлийн аялал жуулчлалыг дэмжих зорилготойгоор энэхүү "Karakorum - 2019" Мөсний фестивалийг 2019 оны 12 сарын 7, 8-ны өдрүүдэд Өвөрхангай аймгийн Бат-Өлзий сумын нутагт байрлах Улаан цутгалангийн хүрхрээнд амжилттай зохион байгуулагдаа. Уг тэмцээний тамирчдын аюулгүй байдлыг хангаж Амар даатгал ХХК, тэмцээнд оролцсон тамирчид болон, үзэгчдэд тусгай гарын бэлэг гардуулж уул, аялалын хувцасны LOWA брэнд тус тус хамтран ажиллалаа.

“KARAKORUM ICE FESTIVAL 2019”-д зориулав.

“KARAKORUM ICE FESTIVAL 2019”-д зориулав.

МӨСӨН БАРИЛГА

I.ГОЛ ЭРСДЭЛ ЮУ БАЙВ?.

“Хархорин мөсний фестиваль 2019” тун амжилттай сайхан болж өндөрлөлөө. Чанар, чансаа хийгээд босго өндөртэй наадам болов.

Монголын Их эзэнт гүрний эртний нийслэлийн нэр хүндийг даах нь уу гэлтэй үнэхээр амаргүй сорилтуудтай тулгасан ч гэлээ зохион байгуулагчид түүнийг даамай сайн дааж гарлаа. Өвөрхангай аймгийн Бат-Өлзий сум, Улаанцутгалан хүрхрээнд байгуулсан хиймэл мөсөн хүрхрээ буюу мөсөн барилгын талаар өөрийн санал бодлыг дор товч сийрүүлвэй. Сонирхох хийгээд сонирхуулах нэгэн шалтгаан болбасу миний бие барилгын инженер-эдийн засагч хэмээх хуучин мэргэжлийг хойт хөршид сурч эзэмшсэн буруутай нэгэн.

Ski Mountaineering Монголд.

Монголын Уулчдын Үндэсний Холбоо, Хятадын уулын холбооны хамтын ажиллагааны үр дүнд Хятадын зардлаар 4 хүүхдийг Ski Mountaineering-ийн чиглэлээр сургахаар, тамирчин бэлтгэхээр тохиролцсон. Үүний дагуу манай уулын холбоон дээр бөөн л ажил болж 4 хүүхэд цуглуулсан ч яг явах барих дээрээ тулахад 2 хүүхэд явах болсон юм. Нөгөө хоёр нь явахын бараг урд өдөр нь больчихов. Нэрсийг нь дурдаад яахав. Спортын зах зухаас мэдэх эцэг эх нь ирээдүйд өсч том болох хүүхдүүдийн боломжийг хааж, хүүхдүүдээ оруулж ирчихээд дараа олон юм ярьж хүмүүсийн ажилд чирэгдэл учруулсанд бухимдсанаа нуугаад яахав. Хариуцлага хэрэгтэй байна.

Ski tour in Mongolia with Mongolia Expeditions

Mongolia is a stunning country of adventures offering new experience, new destination as well as new culture for skiers. We offer you with the opportunity to enjoy hiking and skiing at 3,000-4,300 meters high peaks at Altai Mountain Range that crosses Mongolia, Russia, China and Kazakhstan. We provide ski tours at 3,000-4,300meters at Mt. Altai Tavan Bogd at the Mongol Altai Mountain Range between April and mid of June.You will experience true nomadic culture and visit local nomad families, take photos with hunter eagles and travel along snow mountains in Mongolia loading on horses and camels.

There are many snow peaks in this mountain range. You will ski through multiple routes for advanced level skiers as well as intermediate level skiers.

Find more information about this trip in 2020 with following link: http://www.mongolia-expeditions.com/mountaineering-tours/33/Ski-tours-in-mongolia/

Киргиз улс - Киргизид аялсан тэмдэглэл

Ош зах дээр

Хэд хоног албан ажлын шугамаар Киргиз явах боломж олдсон юм. Энэ жил 10-р сард Азийн уулын холбооны жил бүрийн тайлангийн хурал Киргизийн нийслэл Бишкек хотод болсон. Киргизийн тухай нэг их мэдэх юмаар ховор хүн юм байна. За яахав, Бид чинь Соц системийн үед нэг тогоонд байсан ч, Киргизийн талаар мэдээлэл бас хомс л байж. Социализмийн үед Киргиз нь 15 республикийн нэг, нийслэл хот нь Фрунзе байсныг мэдэх юм. Фрунзе иргэний дайны үеийн цэргийн нэрт жанжин хүн л дээ. Түүний нэрэмжит ерөнхий цэргийн академи Москва хотод бий. Фрунзе нь одоогийн Бишкек хотод төрсөн учир түүний нэрээр нэрлэсэн юм байна. Одоо ч түүний нэртэй гудамж, музей нь ч байдаг юм байна. 

Киргизийн талаар мэдлэг хүн чинь нетээс жаахан мэдээлэл ухлаа... Ямар ч гэсэн буудлаа олоод booking.com –оор захичихлаа. Буудлынхаа эргэн тойрны газрын хоолны газруудыг нь олоод мэдчихлээ. Мөнгөний нэгжийг нь сом гэдэг юм байна. Соц системийн улс байсан олохоор ерөнхий төсөөлөл надад байлаа. Монголоос нисч байгаа Туркиш Эйрлайнзийн Стамбулын нислэг Бишкект түр зогсолт хийдэг учир хүрэх зам асуудалгүй юм. Билетээ 2285000 төгрөгөөр авлаа. Нислэг нь 4 цаг үргэлжилдэг юм байна. 

Исламын сүм

Бишкекийн Манас нисэх буудал том биш юм байна. Киргизийн хил гаалийнхан их шуурхай, уриалгахан байсан нь таалагдсан. Сүүлийн жилүүдэд нүүдлийн аялал жуулчлалын төв гээд өөрийгөө рекламдаад сурталчилаад байгаа улс учраас би бас ямархуу байх тал дээр нь ажиглаад байгаа юм. Бишкекийн Манас олон улсын нисэх буудал нь хотын төвөөсөө 20 гаруй км байна. Намайг Сергей гэх орос залуу тослоо. Бишкек их дулаахан 20 гаруй хэмтэй байлаа. Таксины жолооч одоо өглөө оройдоо их сэрүүхэн болчихдог болохоор их хэцүү үе гэж хэллээ. Өвөл хир хүйтэрдэг вэ гэсэн чинь 5-10 хэм рүйтэрдэг гэнэ. Их дулаахан өвөлтэй хот юм. Энэ сайхан нартай дулаахан байна гэсэн чинь өнөөдөр Мурманскт цас орж байна гэдэг байгаа. Бид явсаар миний захиалсан Шах Палас зочид буудалд ирлээ. Дундад Азийн хэв маягийг хадгалсан байшин угтлаа. Буудал нь цэвэрхэн, өрөө нь жижиг ч тохилог юм. Буудлын ажилтанууд нь англиар чөлөөтөй ярих юм. Би бол оросоор ярихыг хичээж байлаа. Буудалдаа буучихаад эргэн тойрны газартайгаа танилцахаар гарлаа. 100USD солиуллаа. 6989 сом боллоо. 1 сом монгол мөнгөөр 38 төгрөг хавьцаа юм байна лээ.